ربتعيات في حب رسول الله‏

لو حلفونى ع المية تجمد

لو حلفونى ع الصخرة تشهد

هقول انى بحبك يا رسول الله

حبك فى قلبى نارواستحالة تبرد



حبك يا رسول الله بيجرى فى دمى

احاديثك هى احلى كلام فى فمى

حبك بينسى قلبى همه وجراحه

حبك هوايا فى صحوى وغفوتى وحلمى



الناس نسيت دينها وانها هتقابل وجه كريم

الناس نسيت رسولها وان الله عليها حسيب ورقيب

بقوا مش بنى اّدمين دول صنف تانى

وكل همهم بس هما معاهم كام فى الجيب



انت اللى الناس على ايدك أسلمت

انت اللى الناس لدينك سلمت

انت اللى دينك لحد اليوم بيخرج الناس من كهفها

انت الللى الناس بكلامك صدقت وليه استسلمت



لو كانت الناس كلها صفاتها يا رسول الله شبهك

لو كانت الناس اتعلمت فى الغضب يكون حلمها حلمك

كنا اتغيرنا من زمن الزمن لكن افتكرنا اللى لينا ونسينا اللى علينا

وان احنا المفروض واجبنا ناحيتك يكون نصراسلامك ونصرك



يا الله اللهم اهدنا جميعا اّمين

واهدنا لصراطك المستقيم

واحفظنا من غضبك علينا

وانصرنا الى يوم الدين



كل عام وانتم بخير جميعا

ويا رب كل عام يمرعلينا

نكون على نصر دينك متفقين

وبالجنة تبشرنا وللخير تهدينا








يريت تقولولي رأيكم



.........................